بطنك تحت المجهر

[سجينة الاحزان]

السلام عليكم ورحمة الله وبركاته

فكرة نقلتها لكم من أحد المنتديات

أعجبتني بقووووووه

اتمنى تنال اعجابكم

المطلوب : اني أوهق أحد الأعضـآء
بالإجابة على الأسئلة بمعنى/يكون بطنك تحت المجهر ونستكشفه<<الله يالاستكشاف


واللي يجاوب يختار اللي بعده للتوهيق .......... أرجو انكم فهمتو ا الفكرة...!


نبدأ بالأسئله :


(1) كم وجبه تآكل بـ اليوم !

(2) وش وجبتك المفضله [آللي مآ تقدر تستغنى عنهآ ]

(3) أنت من النـآس آللي يتغلقون إذا جآعوا

(4) أول مآ تدخل السوبر مآركت أي قسـم تشوفه بطنك يوديك له بدون شعور !

(5) هل صحيح مقولة [ الطريق إلىآ قلب الرجل معدته ] !

(6) مآ رأيك في قول [ إذآ بغيت الحرمه ترضى عليك ودهآ لـ المطعم ] !

(7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟

(8) وش الأفضل عندك أكل البيت أو أكل المطعم ؟!

(9) تحب تآكل لـ حآلك أو تآكل مع جمآعه مع ذكر السبب

(10) إذآ كنت من النآس آللي يحبون الكبسه أي نوع من الكبسه تحب؟!

(11) لو كنت معزوم تحب تكون العزيمه مفطح ولآ بوفيه ؟

(12) أنت من النآس آللي تحب تآكل بين الوجبآت ؟! إذآ كآنت إجآبتك نعم وش تحب تآكل

[ شوكلآتآت وَ لآ شيبسآت وَ لآ فوآكه <<ركزوآ على فوآكه بالله ] !

(13) إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك

(14) وش الطبخه آللي تضبطها و ودك تعزمنآ عليهآ



طبعا بما اني انا اللي ناقله الموضوع...

فحبيت اوهق


امممممممم

طلال

ياريت ياطلال تختار العضو الي بعدك

[آسآفر بوطني]

واااااااااااااااااااو
( عياده باطنيه ههههههههههه )
الله يستر بس
•.¸¸.•۩ سجينة الاحزان ۩ •.¸¸.•

فكرة رائعه.. تسلمين يا غلاتي ..

وننتظر ( كشفية الشـــــــــــاعر طلال ) ..

۩
۩
۩
http://www.al-wrd.com/up-pic/uploads/4bdc384673.gif (http://www.al-wrd.com/up-pic)

[الغائبه]

سجينة الاحزان

الله فكرهـ رائع......:)

يعطيك العافيه يارب

تحياتي لك

.


.


.


بــنـ ابوها ـــت

[سجينة الاحزان]

ياهلا فيك والله طلال

اسعدتنا باجاباتك الرائعه

سوينا كشف لبطنك يادب ههههههههههه

مشكور والله طلال على تلبية الدعوه

في انتظار الصقر شكلو جاه مغص من الموضوع هههههههههه

فيك فيك الصقر في انتظار اجاباتك

[نوف]

شي الموضوع وناااثه ههههههههههه

[سجينة الاحزان]

ماعليش اخوي الصقر اعتذر

تسمح لي بعد اذنك اختار بدالك اخوي طلال

اختار بحر الوفاء

ملاحظه

ياريت العضو الي يختار الي بعدو يرسل له رساله خاصه

في انتظار مديرنا بحر الوفاء

[بحر الوفاء]

مشكوووووووووووره على الاستضافه

ولكن حااااليا مشغوووول

و لي عوده باذن الله للاجابه على الاسئله

تحياتي لك

[بحر الوفاء]

عدنااااااااا لكم بالاجابات


(1) كم وجبه تآكل بـ اليوم !

ثلاث وجبات


(2) وش وجبتك المفضله [آللي مآ تقدر تستغنى عنهآ ]

مافيه شيء محدد لان كل وقت له اكله خاصه تكون مفضله
عشان كذا ما اقدر احدد

(3) أنت من النـآس آللي يتغلقون إذا جآعوا

والله احيااااان ماهو بشكل دايم


(4) أول مآ تدخل السوبر مآركت أي قسـم تشوفه بطنك يوديك له بدون شعور !

هههههههههه ما اطاااااالع الا الحاجه اللي جاي اشتريها
والبطن مايوديني شي بالسوبر ماركت بس لو قايله مطعم علمتك وين يوديني


(5) هل صحيح مقولة [ الطريق إلىآ قلب الرجل معدته ] !

لا ماعتقد انه صح لان فيه اموووور تودي وتوصل الى القلب غير الاكل


(6) مآ رأيك في قول [ إذآ بغيت الحرمه ترضى عليك ودهآ لـ المطعم ] !

ماهي صحيحه الحرمه انسانه لها عقل وفكر ولا يقدر يحدد الشخص اماكن الرضاء بعد الزعل لابمطعم ولا غيررره
(7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟

اذا ماحصلت غداااااااا للظروف احكامهاااااااا
والمطاعم فاتحه ابوابهاااااااا لازم نقدر ونعذر عاديه الامور

(8) وش الأفضل عندك أكل البيت أو أكل المطعم ؟!

والله احرص على البيت اكثر من غيره

(9) تحب تآكل لـ حآلك أو تآكل مع جمآعه مع ذكر السبب

والله حسب مايقتضيه الحااااااااال

(10) إذآ كنت من النآس آللي يحبون الكبسه أي نوع من الكبسه تحب؟!

افضل هالنوعين بنجابي المهيدب وباب الهند

(11) لو كنت معزوم تحب تكون العزيمه مفطح ولآ بوفيه ؟

احبها تكون بوفيه افضل

(12) أنت من النآس آللي تحب تآكل بين الوجبآت ؟! إذآ كآنت إجآبتك نعم وش تحب تآكل

[ شوكلآتآت وَ لآ شيبسآت وَ لآ فوآكه <<ركزوآ على فوآكه بالله ] !


على قولتك بنركز على الفواكه


(13) إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك

اختااااااااااار من يحب ياكل معي والا مايحب ياكل معي ماحب ياكل معي هههههههههههههه اجابه حلليهااااااااا وتلقين الحل المناسب

(14) وش الطبخه آللي تضبطها و ودك تعزمنآ عليهآ


والله بس اطلبوووووووووووا هههههههههههه

اي اكله تعجبكم اطلبوها تصلكم


لاتدققون باجابة هالسؤال


تحياااااااااتي للجميع

[سجينة الاحزان]

ههههههههههههههههههه

والله طلعت طباخ ابونايف واحنا ماندري

ايش رايك تعزمنا بكره على الفطور كل بنات وشباب المنتدى

وانت تسويه لنا وتجيبو لنافي المنتدى ههههههههه

بعدين ليه مخترت العضو الي بعدك :mad:

الف شكر اوب نايف على اجاباتك الحلوه

في انتظارك ابونايف تختار العضو الي بعدك

[بحر الوفاء]

العفوووووووووو

والشباااااااااااااب معزومين عندي عادي

اما البنوتاااااااااات اعتذر مالهن بالطيب نصيب


ههههههههههههه


المهم


بختااااااار بعدي بدر العضيله

[بدر القصيم]

(1) كم وجبه تآكل بـ اليوم !

أربع وجبات من غير الشيبس والعصير في فترة العصر ولله الحمد.


(2) وش وجبتك المفضله [آللي مآ تقدر تستغنى عنهآ ]

الكبسة .

(3) أنت من النـآس آللي يتغلقون إذا جآعوا

بصراحه ما فهمت كيف يتغلقون بس يمكن المقصود تقفل اخلاقهم

والجواب(نعم)خاصه اذا الوجبه تأخرت عن وقتها المعتاد.

(4) أول مآ تدخل السوبر مآركت أي قسـم تشوفه بطنك يوديك له بدون شعور !

قسم العصيرات وخاصه أفضل عصير البرتقال.


(5) هل صحيح مقولة [ الطريق إلىآ قلب الرجل معدته ] !

لا ،ولو المقوله صحيحه كان أعز الناس عندي (البخاريه)
لأني أفضل الرز البخاري.


(6) مآ رأيك في قول [ إذآ بغيت الحرمه ترضى عليك ودهآ لـ المطعم ] !

صحيح ،وهذا يعني أن الطريق لقلب المراءه معدتها.

(7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟

اذا كان أتفاقي معها أنها تسوي ألآكل بصراحه أبزعل اذا ملقيته جاهز،وهذه الطريقه تلزمني أروح أجيب من المطعم ولو تكررت أخليها تسوي ألأكل لو مايخلص ألا اليوم الثاني.

(8) وش الأفضل عندك أكل البيت أو أكل المطعم ؟!

أكل البيت طبعا"،يكفيك بس تشوف الي يسوي ألأكل في البيت مين ؟! والي يسوي الأكل في المطعم مين؟!
ويكفي أن المراءه اذا سوت الأكل تسويه بيد ناعمه.

(9) تحب تآكل لـ حآلك أو تآكل مع جمآعه مع ذكر السبب

لا ,آكل مع جماعه أفضل،والسبب أنها تزرع الألفه بين الجماعه وحتى الأكل سبحان الله يصير أطعم وألذ.
(10) إذآ كنت من النآس آللي يحبون الكبسه أي نوع من الكبسه تحب؟!

بالدرجه الاولى كبسة لحم حاااااشي مره حلوووه

(11) لو كنت معزوم تحب تكون العزيمه مفطح ولآ بوفيه ؟

أهم شي يكون فيه أكل.

(12) أنت من النآس آللي تحب تآكل بين الوجبآت ؟! إذآ كآنت إجآبتك نعم وش تحب تآكل

[ شوكلآتآت وَ لآ شيبسآت وَ لآ فوآكه <<ركزوآ على فوآكه بالله ] !


نعم، وأفضل الشيبسات مع عصير برتقال،
وبخصوص الفواكه هذي الحمدالله بعد وجبت الغداء دايركت والعشاء نادرا".


(13) إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك

جميعهم بدون أستثناء.

(14) وش الطبخه آللي تضبطها و ودك تعزمنآ عليهآ

للأسف ماأعرف أطبخ.
بس هذا مايعني أني ماراح أعزمكم بلعكس راح أعزمكم على (شباتي مع شاهي)
بصراحه شي،يابخت من زار وخفف.


واتمنى أني لم أكون ثقيل عليكم في أجاباتي.


وأختار بعدي العضوه المميزه دوما" ودائما"
(باريس نجد) http://www.x333x.com/smiles/data/13/094.gif جهزي نفسك .

[طلال]

ههههههههههههههههههههه زين يا بدر كشفنا عليك

وننتظر باريس حتى نكشف على معدتها

[سجينة الاحزان]

،وهذا يعني أن الطريق لقلب المراءه معدتها.
غلطان فيها ماعمرنا سمعنا فيها قصدك التمساح هههههههههه:p

الف الف شكر لقبولك الدعوه اخوي بدر

وبعدين ملاحظه مهمه جدا

الجيران سمعوني :D

ياريت الله يخليكم العضو الي يختار الي بعدو يرسل له رساله خاصه رجاء خااااااااص

كل الاْحترام لكم

[بآريس نجد]

مسآؤكم / صباحكم ورد
بدايةً اعتذر على التأخير بسبب
بطء الاتصال عندي
/
/
/
/
(1) كم وجبه تآكل بـ اليوم
وجبتين الافطار والغداء

(2) وش وجبتك المفضله [آللي مآ تقدر تستغني عنهآ ؟
التمر واللبن ...

(3) أنت من النـآس آللي يتغلقون إذا جآعوا
لا ابد الحمدلله بس اتخدّر وما احكي كثير

(4) أول مآ تدخلين السوبر مآركت أي قسـم تشوفه بطنك يوديك له بدون شعور
مافي قسم معيّن لكن في الغالب اتجه للثلاجة
للعصيرات والألبان

(5) هل صحيح مقولة [ الطريق إلى آ قلب الرجل معدته ] !
والله من وجهة نظري اغلب الظن انها صحيحة
(6) مآ رأيك في قول [ إذآ بغيت الحرمه ترضى عليك ودهآ لـ المطعم ] !
هههههه حسب الزعل اذا بسيط اعتقد ممكن
ترضى بس اذا كايد ما اظن
(7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟
بالنسبة لي عادي جداً اكل اي شي
لكن هالسؤال يُوجّه للرجال اكثر لأن المشاكل
عادةً تجي منهم بهالناحية http://www.smiles.alqaly.com/smiles/13/7e262ee6bbd671960e0460a4a3d26cce.gif

(8) وش الأفضل عندك أكل البيت أو أكل المطعم؟!
اكيد البيت
(9) تحب تآكل لـ حآلك أو تآكل مع جمآعه مع ذكر السبب
اكيد مع جماعة ... لانها سنة تربوية نبوية
وادعى للبركة كما انها سبب رئيسي للتواصل الاجتماعي
بالذات بين افراد الاسرة الواحدة
(10) إذآكنت من النآس آللي يحبون الكبسه أي نوع من الكبسه تحب؟!
ما احب الرز كثيير لكن اذا اباكل كبسة
تكون برياني
(11) لو كنت معزوم تحب تكون العزيمه مفطح ولآ بوفيه ؟
بالنسبة لنا اكيد بوفيه عشان البريستيج ههههه
(12) أنت من النآس آللي تحب تآكل بين الوجبآت ؟! إذآ كآنت إجآبتك نعم وش تحب تآكل
[ شوكلآتآت وَ لآ شيبسآت وَ لآفوآكه <<ركزوآ على فوآكه بالله ] !
لا اطلااااااااقاً
(13) إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك
اختار Candy girl
(14) وش الطبخه آللي تضبطها و ودك تعزمنآ عليهآ
المرقوق وسجينة الأحزان أول المدعوات


كل الشكر للغالية سجينة الاحزان عالموضوع الحلو
وتقديري لاخي الفاضل ... بدر
على توريطي واختياريhttp://www.smiles.alqaly.com/smiles/21/839d6e94d6002806fc2d59a7a09e928b.gif
بما أن الموضوع يناسب الأعضاء اكثر رح اختار
اخوي اسير الشرقية
يعطيكم العافية جميعاً
بآريس نجد :36_11_15:

[نوف]

انتظر اسير الشرقيه على احر من الجمررررر هههههههههههههه

واهم شي انك تحافظين يباريس على البرستيج ههههههه

[سجينة الاحزان]

يسلمو والله على حضورك اختي باريس

يعطيك العافيه على احلى عزيمه من احلى باريس

ردك هنا عجبني مررررررررررره هههههههههه

بالنسبة لي عادي جداً اكل اي شي
لكن هالسؤال يُوجّه للرجال اكثر لأن المشاكل
عادةً تجي منهم بهالناحية http://www.smiles.alqaly.com/smiles/13/7e262ee6bbd671960e0460a4a3d26cce.gif

مشكوره اختي باريس

كلك ذوق ياغاليه
في انتظار اخوي اسير الشرقيه

[نوف]

وياطلااااااااااال ويابو ناااااايف ويااااااابدر

مااااااااقول الا

الله لايحرمكم من الرز ههههههههه

[سجينة الاحزان]

ههههههههههههههههههه

الله يقطع ابليسك نوف ايش تتوقعين اكلت السعودين المفضله

[رهف]

مشكوره اختي سجينة الاحزان كلك ذوق بمااخترتي والله يوفقك

[سجينة الاحزان]

ودي اختار طلال ابي اورطو

نبي نكشف على بطنك يادب

في انتظارك طلال ياريت تختار العضو الي بعدك

لك ارق واعذب تحيه مني

[طلال]

شكرا على الدعوه سجينة الاحزان

وهذي اجاباتي على الاسئله المطروووحه

هههههههههههههههههههههه بالتوفيق


(1) كم وجبه تآكل بـ اليوم !

على حسب اذا كانت نفسي منفتحه للاكل ثلاث وجبات رئيسيه

واذا كانت مسدوده وجبتين هههههههههه واحيان اكل وجبات سريعه



(2) وش وجبتك المفضله [آللي مآ تقدر تستغنى عنهآ ]

احب اللبن بالحليب زين وتمر السكري والمشويات والسندوتشات

والفطائرر


(3) أنت من النـآس آللي يتغلقون إذا جآعوا

لا والحمدلله بس الجوع يجيبلي النووووم على شان كذا ادعسها نووومه

ههههههههههههههههههههه


(4) أول مآ تدخل السوبر مآركت أي قسـم تشوفه بطنك يوديك له بدون شعور !

ثلاااااااااااجة البيبسي مدري ليش


(5) هل صحيح مقولة [ الطريق إلىآ قلب الرجل معدته ] !

لا مبااالغ فيهااااااا شوي ما هو كل الرجال كذا


(6) مآ رأيك في قول [ إذآ بغيت الحرمه ترضى عليك ودهآ لـ المطعم ] !

هالمقوله صحيحه 100%

(7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟

اتصل على المستشفى يمكن تكون الحرمه فيها شي مريضه هههههههه

لا تخافون بالعكس اتصل على المطعم وطلب منهم

(8) وش الأفضل عندك أكل البيت أو أكل المطعم ؟!

اكيد اكل البيت احسن بمليون مره من المطعم فرق شاسع

(9) تحب تآكل لـ حآلك أو تآكل مع جمآعه مع ذكر السبب

لا اكل في محيط العائله والسبب لاني ما احس بطعم للاكل اذا كنت لوحدي احس اني متشرد

هههههههههههههههههه

(10) إذآ كنت من النآس آللي يحبون الكبسه أي نوع من الكبسه تحب؟!

بالدرجه الاولى كبسة لحم حاااااشي مره حلوووه

(11) لو كنت معزوم تحب تكون العزيمه مفطح ولآ بوفيه ؟

لا بوفيه ولا مفطح احب اكل من عشاهم او غداهم العادي ما احب اثقل على احد

(12) أنت من النآس آللي تحب تآكل بين الوجبآت ؟! إذآ كآنت إجآبتك نعم وش تحب تآكل

[ شوكلآتآت وَ لآ شيبسآت وَ لآ فوآكه <<ركزوآ على فوآكه بالله ] !


اذا اكلت اكل وجبات سريعه


(13) إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك

بصراحه كلكم كاتشب تفتحون النفس للاكل

(14) وش الطبخه آللي تضبطها و ودك تعزمنآ عليهآ


ليش الاحراج ما عرف اطبخ

زين اذا سويت لكم شاي بس

هههههههههههههههههههههههههههه

يارب تكون راقت لكم الاجابات

واختار بعدي بعثرني غلاك تووووهيق

هههههههههههههههههههههههههههههههههههههه

[بعثرني غلاك]

هلا وغلا

ومليون شكر لصاحبة الموضوع على روعة هالإختيار إللي كله فضااايح هع

وبليون شكر لطلول الزين على هالتوهيقة الزينة ....
بسم الله الرحمن الرحيم .. أبدأ


(1) كم وجبه تآكل بـ اليوم !
ع حسب نفسيتي ....

(2) وش وجبتك المفضله [آللي مآ تقدر تستغنى عنهآ ]
العشـــــــــــاء ...

(3) أنت من النـآس آللي يتغلقون إذا جآعوا
لا أبد بس ياويل إللي يجي جنبي هع
لاوالله بالعكس أنا ألقى في الجوع لذة مثل ما ألقى في الشبع لذة


(4) أول مآ تدخل السوبر مآركت أي قسـم تشوفه بطنك يوديك له بدون شعور !
الشبيســـــــــات والمكسرات

(5) هل صحيح مقولة [ الطريق إلىآ قلب الرجل معدته ] !
لا .. الأكل اللي يفتح النفس بنكهته وشكله وطعمه وطريقة تقديمه و إبتسامه على الخفيف تخلي الرجال المعصب يروق :4:

(6) مآ رأيك في قول [ إذآ بغيت الحرمه ترضى عليك ودهآ لـ المطعم ] !
الحمدلله والشكر !! لااااا حــــــــرام عليكم وش هالمقولة !!
رضى الأنثى أرفع بكثـــــــــيييير من روحة مطعم
أعتتقد الرضى يتعلق بالمشاعر والأحاسيس !!
و هذي مكانها هنا جواتنا .. و مافيه مكان يغيرها !

(7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟
أقلق على الشغااااالة لاتكون مسكينة تعبانة وما أحد يدري عنها

(8) وش الأفضل عندك أكل البيت أو أكل المطعم ؟!
لا هذا ولا هذا أحب أكل الــــــــبر هع


(9) تحب تآكل لـ حآلك أو تآكل مع جمآعه مع ذكر السبب
أكيد مع جماااااعة ... لو أجمع الخدم ياكلون معي ولا أكل وحدي


(10) إذآ كنت من النآس آللي يحبون الكبسه أي نوع من الكبسه تحب؟!
ما آكل الرز خير شرررر

(11) لو كنت معزوم تحب تكون العزيمه مفطح ولآ بوفيه ؟
بوفيه

(12) أنت من النآس آللي تحب تآكل بين الوجبآت ؟! إذآ كآنت إجآبتك نعم وش تحب تآكل[ شوكلآتآت وَ لآ شيبسآت وَ لآ فوآكه <<ركزوآ على فوآكه بالله ] !
هههههههه << تدرون وش يضحكني ؟
أنا أصلا كل أكلي هالأشياء إللي بين الوجبات ..
شبسات ، مكسرات ، شاي ، قهوة بأنوعها ، شوكلاتات بأنوعها ،
بإختصار كل شي ( مو ) مفيد أحبه هع
والفواكه آآآآكلها في المناسبات هع ... لالالا عاد أحب الفواكه كثير .... و أحب آكلها ...

(13) إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك
كلهم يفتحون النفس ....وانا بفتح راس كل واحد يقرب على أكلي هع


(14) وش الطبخه آللي تضبطها و ودك تعزمنآ عليهآ
أفا !! كبيرة هذي ... قولي وش الطبخة إللي ما أضبطها << أوووخس

أنا أهوى الطبخ و أحب يكون لي فيه نفس خااااص فيني
وبعد يهمني كثييييير ديكور الطبق وتجميله و تزييينه علشان
يجمع روعة الشكل والمضمون ...وأحب تكون السفرة شيك ومرتبة
....

موضوع إستمتعت فيه كثثثثير
واختار بعدي الطباااااخ الماهر
ولد البدائع

[طلال]

وناااااااااااااااااسه جد بعثوره تفتحين النفس للاكل

مشتهي اكل هالحين هههههههههههههههههههههههههههههه

بنظار ولد البدايع اهم شي ما يسد نفسياتنا عن الاكل


خخخخخخخخخخخخخخخخخخخخخخخخخخخخخخخخخخ

يا حبي له وربي يفتح النفس بس تكلم اشوف

تمنياتي لولد البدائع بسفره مليئه بالطيبات