ابراهيم الرشيدي
08-20-2008, 05:39 PM
المجد يبقى
يامرحبا ترحيب ماله مداء يقال=الي الشرف يوم اتقدم واقوله
بمحفل ارجال لهم طيب وافعال=ترحيبهم بالضيف طيب ورجوله
اهلا هلا بالضيف في كل الاحوال=بحفلهم يامرحبا من دخوله
وترحيبنا نعيده على كل رجال=اللي قريب ومن بعيد عنوله
الله يحييكم على البن بدلال=ينساق لرجال الوفاء حسب اصوله
وكل العلوم الطيبه تشرح البال=مانذخر الماجوب وحنا نطوله
على علوم الطيب وجزال الامثال=سوالف اهل المجد واهل البطوله
تاريخ مجد اشيوخ تذكرها الاجيال=كل تتابع ذكرها ما جهلو له
والمجد يبقى مايتغير ولا زال=والطيب يذكر والمواقف خذوله
عز تقافى ماتثنى ولا مال=بافعالهم كل الفخر حققوله
عبره لمن يبحث بتاريخ الابطال=عليه ينشد والعرب يذكروله
فريس في عصر به اسيوف اصقال=والخيل هم ركابها بكل صوله
كم غزوة عدوهم طاح مانشال=وليا بغوا عد الروى ياردوله
ودخيلهم ماحد يهينه ولا ينال=ليا دخل ببيوتهم يحتموله
ومع الرفيق اقرب من العم والخال=يقفون صفه ينسفون الحموله
منهم ارجال ومنهم ارجال وارجال=مير أن قل الهرج يغني لطوله
من صفحة التاريخ ابديت الاقوال=حقيقة ماتنسى بالسهوله
اعرف لها المخراج من قبل مدخال=ولا ابديتها الا وفاهم مانقوله
قلادان والنا بحر الامجاد مازال=لقبيلةٍ يعجز قصيدي يطوله
بني رشيد اللي لها عز مايطال=وفيها طحاطيح الشيوخ الزحوله
وما قصر بمدحي عن رجالٍ لهم فال=والهم عقال بكل صوله وجوله
تكسب اعنان المدح حل وترحال=ومن بينهم روس تعدل الميوله
وكل القبايل بين شيخ وخيال=كسابة الطاله بعصر سعوله
ويامرحبا ترحيب ماله مدى يقال=الي الشرف يوم اتقدم واقوله
الشاعر
ابراهيم الرشيدي
يامرحبا ترحيب ماله مداء يقال=الي الشرف يوم اتقدم واقوله
بمحفل ارجال لهم طيب وافعال=ترحيبهم بالضيف طيب ورجوله
اهلا هلا بالضيف في كل الاحوال=بحفلهم يامرحبا من دخوله
وترحيبنا نعيده على كل رجال=اللي قريب ومن بعيد عنوله
الله يحييكم على البن بدلال=ينساق لرجال الوفاء حسب اصوله
وكل العلوم الطيبه تشرح البال=مانذخر الماجوب وحنا نطوله
على علوم الطيب وجزال الامثال=سوالف اهل المجد واهل البطوله
تاريخ مجد اشيوخ تذكرها الاجيال=كل تتابع ذكرها ما جهلو له
والمجد يبقى مايتغير ولا زال=والطيب يذكر والمواقف خذوله
عز تقافى ماتثنى ولا مال=بافعالهم كل الفخر حققوله
عبره لمن يبحث بتاريخ الابطال=عليه ينشد والعرب يذكروله
فريس في عصر به اسيوف اصقال=والخيل هم ركابها بكل صوله
كم غزوة عدوهم طاح مانشال=وليا بغوا عد الروى ياردوله
ودخيلهم ماحد يهينه ولا ينال=ليا دخل ببيوتهم يحتموله
ومع الرفيق اقرب من العم والخال=يقفون صفه ينسفون الحموله
منهم ارجال ومنهم ارجال وارجال=مير أن قل الهرج يغني لطوله
من صفحة التاريخ ابديت الاقوال=حقيقة ماتنسى بالسهوله
اعرف لها المخراج من قبل مدخال=ولا ابديتها الا وفاهم مانقوله
قلادان والنا بحر الامجاد مازال=لقبيلةٍ يعجز قصيدي يطوله
بني رشيد اللي لها عز مايطال=وفيها طحاطيح الشيوخ الزحوله
وما قصر بمدحي عن رجالٍ لهم فال=والهم عقال بكل صوله وجوله
تكسب اعنان المدح حل وترحال=ومن بينهم روس تعدل الميوله
وكل القبايل بين شيخ وخيال=كسابة الطاله بعصر سعوله
ويامرحبا ترحيب ماله مدى يقال=الي الشرف يوم اتقدم واقوله
الشاعر
ابراهيم الرشيدي